ბათუმში გაუჩინარებული მოზარდის დედა მიმართვას ავრცელებს

ბათუმში გაუჩინარებული მოზარდის, ალექსანდრე მიქელაძის დედა მიმართვას ავრცელებს.

„დავიღალე, თურმე მეც ვიღლები. უკვე ვნატრობ, რომ ჩვეულებრივი, სუსტი ქალი ვიყო მეც! აღარ მინდა აღარც დღე და აღარც ღამე. აღარ მინდა, დე, უშენოდ არაფერი... ნეტა, სულ მცირედით მაინც იცოდე როგორ მენატრები ჩემო, მარტო ჩემო ალექსანდრე“, - წერს ნათია დიაკვნიშვილი.

ცნობისთვის, ალექსანდრე მიქელაძე 2025 წლის 16 იანვარს, ღამით, 22:00 საათიდან გაუჩინარდა. მისი კვალი ბათუმში, ხიდთან ქრება. ამ დრომდე, ოჯახი მის შესახებ არანაირ ინფორმაციას არ ფლობს.