„ახალგაზრდა თაობა უნდა მიხვდეს, რომ ნარკოტიკი არ მიიღოს, ძალიან ბევრი შემთხვევა მოხდა, ძალიან ბევრი მეგობარი დამეღუპა“ – გიგა პაპასკირი

„ახალგაზრდა თაობა უნდა მიხვდეს, რომ ნარკოტიკი არ მიიღოს, ძალიან ბევრი შემთხვევა მოხდა, მე ძალიან ბევრი მეგობარი დამეღუპა“, – ამის შესახებ ცნობილმა დიჯეიმ, გიგა პაპასკირმა „შუადღე live-ში“ ისაუბრა.

„ძალიან მძიმე სიტუაციაა, დაახლოებით, 15 წელია, რაც დიჯეი ვარ და სხვადასხვა კლუბში ვუკრავ. სცენიდან ვხედავ, როგორი სიტუაციაა.

როდესაც დაკვრა დავიწყე, 5 წლის შემდეგ შემთხვევით მოვხვდი საზოგადოებაში, სადაც „ბიო“ გამასინჯეს, ერთი წლის განმავლობაში ძალიან ცუდად ვიყავი, დამეწყო შიშები, დეპრესია და ამ მდგომარეობიდან გამოსვლა ძალიან გამიჭირდა. მანამდე არასდროს არაფერი მქონდა გასინჯული, ალკოჰოლს მცირე რაოდენობით ვიღებდი, „ბიომ“ ძალიან იმოქმედა..

რასაც ბოლო 10 წლის განმავლობაში ვუყურებ, ვხედავ, რა მდგომარეობაში არიან ახალგაზრდები კლუბის გარეთ, პარასკევი, შაბათი, კვირა, სასწრაფოებით არის სავსე..

დეიდაჩემი საავადმყოფოში მუშაობს, იქაც მივსულვარ და მინახავს, ამ კლუბებიდან წაყვანილი რამდენი ახალგაზრდა შემოდის, განსაკუთრებით, პარასკევს, შაბათს და კვირას.

ასევე ნახეთ:

„საოცარი ადამიანი გარდაიცვალა… წესი ვერ ავუგეთ” – რას ამბობს მამა შალვა კეკელია

ნერვები მეშლება, რომ გულნატკენი წავიდა... - დათო ტურაშვილი სოსო ჯაჭვლიანზე