„ადამიანს, ფერი აღარ აქვს, გამხდარი, ცარიელი ძვალი და ტყავი, ძლივს დადის“ - გიული ალასანია შვილის მდგომარეობაზე

საქართველოს ყოფილი პრეზიდენტი, მიხეილ სააკაშვილი „ვივა მედში" რჩება.

მიხეილ სააკაშვილის დედა, გიული ალასანია ერთადერთია, ვინც უკვე მოახერხა სააკაშვილის ნახვა და აცხადებს, რომ მისი შვილის მდგომარეობა ძალიან მძიმეა, ასევე ამბობს, რომ საქართველოს არ გააჩნია ის საჭიროებები, რომლებიც სააკაშვილის რეაბილიტაციისთვის საჭიროა.

„ძალიან კრიტიკული მდგომარეობა აქვს ადამიანს, ფერი აღარ აქვს, გამხდარი, ცარიელი ძვალი და ტყავი, ძლივს დადის, ყოველ წუთში შეიძლება რაღაც უბედურება დატრიალდეს. ჩემზე რომ იყოს დამოკიდებული, მე დღესვე გადავიყვანდი უცხოეთში, ისეთ კლინიკაში, სადაც ასეთი ავადმყოფის მკურნალობის გამოცდილება აქვთ", - განაცხადა ალასანიამ.