9 აშკარა ნიშანი იმისა, რომ ქალი თქვენგან წასვლას აპირებს

ურთიერთობების ექსპერტმა გამოავლინა ქალის ტიპიური ქცევითი ნიმუშები, რომელიც ურთიერთობის დატოვებას აპირებს.

ის შენგან თავის არიდებას იწყებს - დაშორება რთული გადაწყვეტილებაა და ყველა არ არის მზად ამაზე ღიად ისაუბროს. გულახდილი საუბრის ნაცვლად, ზოგი დისტანციას ირჩევს. თუ ქალი მოულოდნელად აუქმებს შეხვედრებს, თავს არიდებს სერიოზულ თემებს ან მუდმივად ცვლის საუბრის ფოკუსს, შესაძლებელია, რომ მან უკვე მიიღო გადაწყვეტილება, მაგრამ არ იცის, როგორ გამოხატოს ეს. 

ის შეწყვეტს თქვენი მომავლის ერთად განხილვას - სულ ახლახანს ერთად გეგმებს აწყობდით - საუბრობდით ოჯახზე, ერთად ცხოვრებაზე, მოგზაურობასა და გრძელვადიან მიზნებზე. მაგრამ მოულოდნელად ეს საუბრები ქრება და მომავლის ნებისმიერი ხსენება მას თემის შეცვლის სურვილს უჩენს. მიუხედავად იმისა, რომ მომავლის შიში ხშირია, ასეთი საუბრებიდან მკვეთრი შეწყვეტა შეიძლება გამაფრთხილებელი ნიშანი იყოს.

ის აღარ არის ჩართული ურთიერთობაში - ნებისმიერი ურთიერთობა ორივე მხრიდან ძალისხმევას მოითხოვს - იქნება ეს პაემნების დაგეგმვა, კონფლიქტების გადაჭრის მცდელობა თუ სხვა  რამ. თუ ქალი შეწყვეტს ინიციატივის აღებას, ივიწყებს მნიშვნელოვან მოვლენებს და თითქოს „წყვეტს“ ურთიერთობას, ეს შეიძლება ნიშნავდეს, რომ ის უკვე ემოციურად დაგშორდათ.

მეგობრები პირველ ადგილზე არიან - პირადი სივრცე მნიშვნელოვანია, მაგრამ თუ მეგობრებთან შეხვედრის გეგმები მუდმივად იხსნება და თქვენი პარტნიორი უკანა პლანზეა გადაწეული, ეს შეიძლება პრიორიტეტების ცვლილებაზე მიუთითებდეს. შეეცადეთ, შესთავაზოთ ერთად დროის გატარება. 

ის იკეტება და იდუმალებით არის მოცული - თუ ქალი ტელეფონის დამალვას იწყებს, სწრაფად ხურავს სოციალურ მედიას, არ უზიარებს საკუთარ გეგმებს ან ახალ ადამიანებთან ერთად ჩნდება, ეს შეიძლება მიუთითებდეს შინაგან კონფლიქტზე ან პრობლემებზე, რომელთა შესახებაც გაჩუმებას ამჯობინებს.

დაშორების მუქარა ხშირია - მსუბუქი იუმორი ერთია, მაგრამ დაშორებაზე რეგულარული ხუმრობები ან წასვლის მუქარა სულ სხვაა. როდესაც უთანხმოებები ულტიმატუმებით წყდება, ეს ხშირად იმაზე მიუთითებს, რომ პარტნიორი აღარ გრძნობს თავს ნამდვილად ჩართულად ურთიერთობაში.

ის კონფლიქტებს იწვევს - როდესაც უმნიშვნელო საკითხები მოულოდნელად, უმიზეზოდ, დიდ დრამებში გადაიზრდება, ეს შეიძლება იყოს ემოციური დისტანციის შექმნის ან დაშორების გზის გაკვალვის საშუალება.

კომუნიკაცია შესამჩნევად მცირდება - ზარები უპასუხოდ რჩება, შეტყობინებები იკითხება, მაგრამ იგნორირებულია. კონტაქტის თანდათანობითი შემცირება საკმაოდ გავრცელებული მოვლენაა.

თქვენ აღარ გრძნობთ თავს დაფასებულად - თუ მადლიერებისა და მხარდაჭერის სიტყვები ქრება და თქვენი ძალისხმევა შეუმჩნეველი რჩება, ფრთხილად უნდა იყოთ. ხშირად, წასასვლელად მომზადებისას, ადამიანი შინაგანად აუფასურებს პარტნიორს, რათა გაამართლოს საკუთარი გადაწყვეტილება და შეამციროს დანაშაულის გრძნობა.