„2-ჯერ დააჯახა მანქანა, მძღოლმა თქვა: მეორედ იმიტომ გადავუარე, დავრწმუნებულიყავი, რომ მოვკალიო“ - ტასო ლოსაბერიძე

ცხოველთა დამცველი ტასო ლოსაბერიძე ერთი კიდევ მიუსაფარი ძაღლის „დოდის“ მძიმე ისტორიის შესახებ საუბრობს, რომელმაც უამრავი ტანჯვა გამოიარა, თუმცა მიუხედავად ყველაფრისა ადამიანის ერთგულ მეგობრად დარჩა.

„დოდი უკვე წელიწად-ნახევარია ჩემი ოჯახის წევრია, ესეც ერთ-ერთი მიუსაფარი ძაღლი იყო, რომელიც გადარჩენისთვის იბრძოდა. სპეციალურად გადაუარა მანქანამ. ზებრაზე, რომ გადადიოდა დაარტყა და შემდეგ ისევ გადაუარა. მძღოლმა თქვა: „ისევ იმიტომ გადავუარე, რომ დავრწმუნებულიყავი, რომ მოვკალიო“

შემდეგ წამოვიყვანე სახლში, ძალიან ცოტა ჰქონდა გადარჩენის შანსი, ხერხემლის მალები აქვს დამტვრეული. ტვინის ძლიერი შერყევა ჰქონდა, 1% ჰქონდა გადარჩენის შანსი.

იმის მიუხედავად, რომ ძალიან ბევრი ტანჯვა და ადამიანებისგან ბევრი გულგრილობა აქვს ნანახი მიუხედავად ამისა ძალიან უყვარს ხალხი“, - ამბობს ტასო ლოსაბერიძე.