ტაბიძის ქუჩაზე ავტომობილი „ვოლტის" კურიერს შეეჯახა - 24 წლის მამაკაცი მძიმედ დაშავდა

ავტოსაგზაო შემთხვევა თბილისში - ტაბიძის ქუჩაზე ავტომობილი "ვოლტის" კურიერს შეეჯახა, რომელიც სკუტერით გადაადგილდებოდა. მძიმე მდგომარეობაში მყოფი დაშავებული 24 წლის მამაკაცი სასწრაფო სამედიცინო დახმარების ბრიგადამ კლინიკაში გადაიყვანა. მას გვიან ღამით ჩაუტარდა გადაუდებელი ოპერაცია.

დაშავებული ამ დრომდე რეანიმაციულ განყოფილებაში რჩება. ავარიის გამომწვევი მიზეზი უცნობია. მომხდარზე დაწყებულია გამოძიება.