„სექსუალურ ძალადობაში მხილების გამო, 38 წლის კაცი არასრულწლოვანს მოკვლით დაემუქრა“ - ნახეთ მოსამართლის გადაწყვეტილება

ქუთაისის საქალაქო სასამართლოში სმენადაქვეითებული არასრულწლოვანის მიმართ მუქარის საქმეზე ბრალდებულს წინასწარი პატიმრობა შეეფარდა.

დაცვის მხარე 4 000-ლარიან გირაოს ითხოვდა, თუმცა მოსამართლემ ადვოკატების შუამდგომლობა არ გაითვალისწინა.

გამოძიების ინფორმაციით, შეზღუდული შესაძლებლობის მქონე პირების მიმართ შესაძლო სექსუალურ ძალადობასთან დაკავშირებით სოციალურ ქსელში ინფორმაციის გავრცელების შემდეგ, 38 წლის პირი არასრულწლოვანს სიცოცხლის მოსპობით დაემუქრა.