საფლავის ადგილისთვის 4600 ლარის აღებისა და ყალბი დოკუმენტის დამზადების ფაქტზე დაკავებულ "ჰერმესის" თანამშრომელს წინასწარი პატიმრობა შეეფარდა

წინასწარი პატიმრობა შპს "ჰერმესის" თანამშრომელს - გადაწყვეტილება საქალაქო სასამართლომ გუშინ დღის ბოლოს მიიღო.

დაკავებულს კომერციული მოსყიდვისა და ყალბი ოფიციალური დოკუმენტის დამზადებაში ადანაშაულებენ.

პროკურატურის ინფორმაციით, ბრალდებულმა, მოქალაქეს, თითქოს მუხათგვერდის კონკრეტულ სასაფლაოზე მისი ბაბუა იყო დასაფლავებული, 4 600 ლარი გამოართვა და სამადგილიანი საფლავის მიღებას დაპირდა.

ბრალის დამტკიცების შემთხვევაში, დაკავებულს 4 წლამდე პატიმრობა ემუქრება.