„მონასტერში საერთოდ არ ვყოფილვართო...“ ადვოკატის თქმით, არცერთი დაკავებული ბრალს არ აღიარებს

მონაზონზე ჯგუფურად ჩადენილი ყაჩაღობისა და გაუპატიურების ბრალდებით დაკავებულები ბრალს არ აღიარებენ.

ისინი ცოტა ხნის წინ საზოგადოებრივმა ადვოკატმა წინასწარი დაკავების იზოლატორში მოინახულა, რის შემდეგაც ჟურნალისტებს განუცხადა, რომ ისინი სასამართლოზე დუმილის უფლებას გამოიყენებენ.

,,მონასტერში საერთოდ არ ვყოფილვართო...“ - თქვა ადვოკატმა გიგა ჯეირანაშვილმა.

შეგახსენებთ, რ ხაშურში, სოფელ ცხრამუხის დედათა მონასტერში თავდასხმა 25 ნოემბერს გვიან ღამით მოხდა.

ორმა კაცმა 70 წლის მონაზონს ფიზიკური დაზიანებები მიაყენა და სექსუალურად იძალადა. ამის შემდეგ თავდამსხმელებმა მონასტერიც გაძარცვეს.