გარყვნილი ქმედება არასრულწლოვან გოგონაზე ერთ-ერთ საჯარო სკოლაში - პოლიციამ ბრალდებული დააკავა

იმერეთში პოლიციამ 16 წლამდე პირის მიმართ განხორციელებული გარყვნილი ქმედების ბრალდებით 1984 წელს დაბადებული ი.დ. დააკავა.

გამოძიებით დგინდება, რომ ბრალდებულმა იმერეთის რეგიონის ერთ-ერთ საჯარო სკოლაში, არასრულწლოვანი გოგონას მიმართ გარყვნილი ქმედება განახორციელა.

ჩატარებული ოპერატიული ღონისძიებებისა და საგამოძიებო მოქმედებების შედეგად, სამართალდამცველებმა ი.დ. ბრალდებულის სახით დააკავეს.

გამოძიება სისხლის სამართლის კოდექსის 141-ე მუხლის პირველი ნაწილით მიმდინარეობს, რაც ცხრა წლამდე ვადით თავისუფლების აღკვეთას ითვალისწინებს.