ბათუმის ბულვარში მომხდარ ტრაგედიასთან დაკავშირებით დაკავებულს  პატიმრობა შეეფარდა

უბედური შემთხვევის შედეგად დაღუპული 10 წლის მოზარდის საქმეზე დაკავებულ ედუარდ აბრამიანს ბათუმის საქალაქო სასამართლომ აღკვეთის ღონისძიების სახით პატიმრობა შეუფარდა.

პროკურატურა აბრამიანის პატიმრობაში დატოვებას მიმალვისა და მოწმეებზე ზემოქმედების საფრთხის გამო ითხოვდა. დაცვის მხარემ კი სასამართლოს გირაოს სანაცვლოდ აბრამიანის გათავისუფლება მოსთხოვა, თუმცა მოსამართლე ლევან ყოლბაიამ პროკურატურის შუამდგომლობა დააკმაყოფილა, ბატუტის მეპატრონე ედუარდ აბრამიანი კი პატიმრობაში რჩება.

გამოძიება აბრამიანს სსკ 240-ე მუხლით ედავება რაც უსაფრთხოების ნორმების დარღვევას გულისხმობ, რამაც ადამიანის სიცოცხლის მოსპობა გამოიწვია.

შეგახსენებთ, 12 მარტს სანაპიროზე,არდაგანის ტბის მიმდებარედ ბატუტზე 10 და 5 წლის მოზარდები თამაშობდნენ რა დროსაც ძლიერმა ქარმა ბატუტი 150 მეტრის მოშორებით გადააგდო.შემთხვევის შედეგად 9 წლის მოზარდი დაიღუპა,5 წლის მოზარდი კი ამ დრომდე იაშვილის კლინიკაში რეანიმაციულ განყოფილებაში იმყოფება.მისი მდგომარეობა სტაბილურად მძიმეა.