შსს

ახალი დეტალები 15 წლის ბიჭის დაჭრის საქმეში - რა გახდა დაპირისპირების მიზეზი

პოლიციამ, განზრახ მკვლელობის მცდელობის ფაქტზე, არასრულწლოვანი დააკავა. გამოძიების ინფორმაციით, მან ურთიერთშელაპარაკების ნიადაგზე, ცივი იარაღით ჭრილობები მიაყენა მეცხრე კლასელს და შემთხვევის ადგილიდან მიიმალა.

ამ წუთებში გამოკითხვები მიმდინარეობს პოლიციის მთავარ სამმართველოში, რაც შეეხება დაზარალებულს, 15 წლის ბიჭი ამ დრომდე რეანიმაციაში, მართვით სუნთქვაზე რჩება, მას ჭრილობები გულმკერდისა და მუცლის არეში აქვს მიყენებული.

"პაციენტს აღენიშნებოდა საკმაოდ მძიმე დაზიანება. აღენიშნებოდა მუცელში სისხლდენა და ნაწლავების მრავლობითი დაზიანებები, ასევე რეტროპერიტენიალური  სივრცის საკმაოდ სერიოზული დაზიანებები. რთული ოპერაცია ჩაუტარდა, რომელიც 5 საათამდე მიმდინარეობდა. ოპერაციამ წარმატებით ჩაიარა და პოსტოპერაციული მართვისთვის, ამჟამად იმყოფება რეანიმაციულ განყოფილებაში მართვითი სუნთქვის აპარატზე", -აცხადებს გოგა ბახტაძე.