ცაგერის საჯარო სკოლაში საახალწლო ღონისძიება გაიმართა

ცაგერის საჯარო სკოლაში საახალწლო ღონისძიება გაიმართა.

ღონისძიება საინტერესო და მრავალფეროვანი გახლდათ-საკარნავალო, კოსტიუმირებული მსვლელობა, მუსიკალური, მხატვრული ნომრები, თითოეული კლასის მიერ წარმოდგენილი კომპოზიციები და მთელი სკოლის,თითოეული საკლასო ოთახის დახვეწილი საახალწლო მორთულობა.

ღონისძიება მოამზადეს ცაგერის საჯარო სკოლის სასწავლო ნაწილის ხელმძღვანელმა შორენა ხეცურიანმა, მუსიკის პედაგოგმა იზა ხეცურიანმა, თითოეული კლასის დამრიგებელმა, პედაგოგებმა, მშობლებმა, მოსწავლეებმა.

ცაგერის სკოლამ, დირექტორის-დავით ცვარიანის ხელმძღვანელობით, ტრადიციულად, კიდევ ერთი შთამბეჭდავი და დაუვიწყარი დღე აჩუქა ყველა  იმ ადამიანს, რომელთაც უყვართ და ეამაყებათ ქალაქ ცაგერის საჯარო სკოლა.