1743686340
რუსეთის პრეზიდენტის ადმინისტრაციის ცნობით, პირველი მაისიდან რუსეთსა და ოკუპირებულ აფხაზეთს შორის სრულფასოვანი ავიამიმოსვლა დაიწყება
რუსეთსა და ოკუპირებულ აფხაზეთს შორის სრულფასოვანი ავიამიმოსვლა პირველი მაისიდან დაიწყება.
ამის შესახებ რუსეთის პრეზიდენტის ადმინისტრაციის ხელმძღვანელის პირველმა მოადგილემ, სერგეი კირიენკომ განაცხადა.
„პირველი მაისიდან სოხუმის აეროპორტში განხორციელდება სრულფასოვანი ავიამიმოსვლა“, – აღნიშნა მან.
30 წლის განმავლობაში პირველად სოხუმის აეროპორტმა საცდელი რეისი მოსკოვიდან თებერვლის დასაწყისში მიიღო.
2023 წლის ოქტომბერში აფხაზეთის რეგიონის საოკუპაციო რეჟიმმა რუსულ კომპანია „ინფრასტრუქტურნოე რაზვიტიესთან“ აეროპორტის რეკონსტრუქციის შესახებ შეთანხმება გააფორმა.
