1774295087
ოკუპირებულ აფხაზეთში ვითარება ამ დრომდე დაძაბულია. ხმაური „რუსული ინვესტიციების შეღავათიანი პირობების შესახებ“ ე.წ შეთანხმების პროექტს მოჰყვა.
დააკავეს საპროტესტო აქციის რამდენიმე მონაწილე. იყო ფიზიკური დაპირისპირებაც. დაკავებულთა ახლობლებმა და საზოგადოებრივი ჯგუფების წარმომადგენლებმა, მათი გათავისუფლების მოთხოვნით, რამდენიმე ადგილას ავტომაგისტრალიც გადაკეტეს. ვრცელდება ინფორმაცია, რომ სოხუმში ე.წ პრეზიდენტის ადმინისტრაციის შენობას სამხედრო ტექნიკა იცავს.
