„მინდა მადლობა გადავუხადო საქართველოს პრემიერ-მინისტრს, ბატონ ირაკლი კობახიძეს, დამატებით გამოყოფილი ფინანსური რესურსებისთვის, რომელმაც შესაძლებლობა მოგვცა განგვეხორციელებინა მნიშვნელოვანი ინფრასტრუქტურული პროექტები“ - ფოთის მერი

ფოთში, 16 ქუჩაზე საგზაო ინფრასტრუქტურის მოწყობის სამუშაოები  დაიწყო.

პროექტი ქალაქის სხვადასხვა უბანს მოიცავს და მისი განხორციელება 4 თვეში დასრულდება.

მიმდინარე სამუშაოები ქალაქის მერმა ბექა ვაჭარაძემ და საკრებულოს თავმჯდომარე ალექსანდრე ტყებუჩავამ დაათვალიერეს.

,,ჩვენი მიზანია, მომდევნო 4 წლის განმავლობაში, ქალაქის მასშტაბით სრულად მოვაწესრიგოთ საგზაო ინფრასტრუქტურა.

მინდა მადლობა გადავუხადო საქართველოს პრემიერ-მინისტრს, ბატონ ირაკლი კობახიძეს, დამატებით გამოყოფილი ფინანსური რესურსებისთვის, რომელმაც შესაძლებლობა მოგვცა განგვეხორციელებინა მსგავსი ინფრასტრუქტურული პროექტები.

საგზაო ინფრასტრუქტურის განახლება ჩვენი გუნდის ერთ-ერთი მთავარი პრიორიტეტია სხვა მასშტაბურ პროექტებთან ერთად, რომლებსაც საქართველოს მთავრობის სრული მხარდაჭერით ვახორციელებთ.“-განაცხადა ფოთის მერმა, ბექა ვაჭარაძემ.