ძლიერმა მიწისძვრამ შესაძლოა იაპონიაში 300 000-მდე ადამიანი შეიწიროს - Reuters
1743608017
ლენტეხის მუნიციპალიტეტის მერიის სხდომათა დარბაზში მორიგი სამუშაო თათბირი გაიმართა ინფრასტრუქტურისა და ზედამხედველობის სამსახურებთან. თათბირს უძღვებოდა ლენტეხის მუნიციპალიტეტის მერი, გია ონიანი.
შეხვედრაზე განიხილეს მუნიციპალიტეტში მიმდინარე და დაგეგმილი ინფრასტრუქტურული პროექტები, მათ შორის გზების რეაბილიტაცია, წყალმომარაგებისა და წყალარინების სისტემების გაუმჯობესება, ასევე საზოგადოებრივი ინფრასტრუქტურის მოდერნიზაციის საკითხები. განსაკუთრებული ყურადღება დაეთმო იმ პროექტებს, რომლებიც ადგილობრივ მოსახლეობას პირდაპირ სარგებელს მოუტანს და მათი ყოველდღიური ცხოვრების ხარისხს გააუმჯობესებს.
ასევე, შეხვედრაზე განსაკუთრებული ყურადღება დაეთმო ,,სოფლის მხარდაჭერის პროგრამის’’ ფარგლებში განსახორციელებელ პროექტებს. აღინიშნა, რომ აღნიშნული პროგრამის ფარგლებში ზოგიერთ ადმინისტრაციულ ერთეულში სამუშაოები უკვე აქტიურად მიმდინარეობს, ხოლო დანარჩენ ერთეულებში მათი დაწყება უახლოეს პერიოდში იგეგმება.
სამუშაო შეხვედრაზე დაისახა მუნიციპალიტეტის წინაშე არსებული გამოწვევების გადაჭრის კონკრეტული გეგმები. მათ შორის, პროექტების დროული შესრულებისა და მონიტორინგის მექანიზმების გაძლიერება.
მუნიციპალიტეტის ხელმძღვანელობამ კიდევ ერთხელ დაადასტურა მზადყოფნა, მაქსიმალურად ეფექტურად მართოს ინფრასტრუქტურული პროცესები, რათა ლენტეხის მოსახლეობას უკეთესი და თანამედროვე პირობები შეუქმნას.
