იმერეთის სახელმწიფო რწმუნებულმა და ქუთაისის მერმა უკრაინის მოქალაქეებს ქალთა საერთაშორისო დღე მიულოცეს

იმერეთში სახელმწიფო რწმუნებულმა ზვიად შალამბერიძემ და ქუთაისის მერმა იოსებ ხახალეიშვილმა, ქუთაისში მყოფ უკრაინის მოქალაქეებს ქალთა საერთაშორისო დღე მიულოცეს და სიმბოლური საჩუქრები გადასცეს. ხელისუფლების წარმომადგენლებმა მათი საჭიროებები მოისმინეს და გვერდით დგომას დაპირდნენ.

უკრაინის მოქალაქეები საქართველოში უკრაინაში ომის დაწყების შემდეგ ჩამოვიდნენ და აპირებენ ჩვენს ქვეყანაში დროებით იცხოვრონ.

მათ მხარისა და ადგილობრივი ხელისუფლების წარმომადგენლებს მადლობა გადაუხადეს და აღნიშნეს, რომ ჰუმანიტარული დახმარება, რომელსაც საქართველო უკრაინის მხარდასაჭერად ახორციელებს მნიშვნელოვანია.