ავთანდილ თალაკვაძე: ოზურგეთის სოფლებში, დაამატებით 800-მდე ოჯახისთვის მოხდება გაზის მიწოდება

დასრულდა პროექტირება ოზურგეთის სოფლებში, რომლის მიხედვითაც მოხდება გაზის ქსელის მშენებლობა და გაზის მიწოდება დამატებით 800-მდე ოჯახისთვის- ამის შესახებ ოზურგეთის მერმა განაცხადა. 

„ წინსაარჩევნოდ მოსახლეობას დავპირდით და უკვე დასრულდა  პროექტირება შემდეგი სოფელებისთვის - გოგიეთი, დვაბზუს ნასაკირალი, ჯუმათი, იანეთი, ბოგილი, ძირიჯუმათი, მთისპირი, ოქროსქედი, ვანისქედი, უკანავა, რომლის მიხედვითაც მოხდება გაზის ქსელის მშენებლობა და გაზის მიწოდება დამატებით 800 - მდე ოჯახისთვის. ამ პროექტების განხორციელების შემდეგ სრულად დასრულდება ოზურგეთის მუნიციპალიტეტის გაზიფიცირება“ - აღნიშნა ავთანდილ თალაკვაძემ დღეს გამართულ ოზურგეთის მერიის სხდომაზე.