საახალწლო შოპინგის 6 წესი, რომელიც დაგიზოგავთ ფულსა და დროს

შოპინგის წარმატების გასაღები დისციპლინაა.

წინასწარ მოემზადეთ

ჩამოწერეთ სია, რა გჭირდებათ, ეს გაგიმარტივებთ შოპინგის პროცესს. ნაკლებად სავარაუდოა, რომ დაგეხმაროთ ფულის დაზოგვაში და ზედმეტი არ იყიდოთ, მაგრამ ეს მოგცემთ საშუალებას, რომ არაფერი დაგავიწყდეთ წინასაახალწლო აურზაურში.

განსაზღვრეთ შესყიდვების ბიუჯეტი

განსაზღვრეთ ბიუჯეტი, რომელსაც დახარჯავთ საჭირო ნივთებზე - საჩუქრებზე , სასურსათო პროდუქტებზე. მაგრამ ასევე განსაზღვრეთ თანხა, რომელიც შეგიძლიათ დახარჯოთ იმპულსურად.

იყიდეთ წინასწარ

უმჯობესია 31 დეკემბრის საღამომდე არ გადადოთ შესყიდვები, რადგან მაღაზიაში დიდი რიგები დაგხვდებათ და ყველაფერი გადაიტვირთება. ნუ გადადებთ ბოლო წუთამდე, რათა მშვიდად შეიძინოთ ყველაფერი. მეტი დრო გექნებათ იაფი ვარიანტის არჩევისთვის. 

არ უგულებელყოთ ონლაინ შოპინგი

მაშინაც კი, თუ თქვენ მოგწონთ სადღესასწაულოდ მორთული სავაჭრო ცენტრების ნახვა, არაფერი გიშლით ხელს, რომ უბრალოდ იაროთ, დალიოთ ყავა და ისიამოვნოთ ლამაზი ნაძვის ხეებით. მაღაზიების რიგში დგომა ძალიან დამღელია, ამიტომ შეგიძლიათ შეიძინოთ ნივთები ონლაინ.

გაცვალეთ ფასდაკლების ბარათები მეგობრებთან

როდესაც გადაწყვეტთ რას და სად იყიდით, ჰკითხეთ თქვენს მეგობრებს ჩათში - იქნებ ვინმეს ჰქონდეს ფასდაკლების ბარათები კონკრეტული მაღაზიისთვის, რითაც დაზოგავთ თანხას.
წადით საყიდლებზე მარტო

სჯობს საყიდლებზე მარტო წასვლა, ან საყვარელ ადამიანთან ერთად, ვისთან ერთადაც შეადგინეთ სიები და მიაღწიეთ კონსენსუსს ამ საკითხზე. წინააღმდეგ შემთხვევაში შოპინგს დიდი დრო დასჭირდება, რადგან პროცესის ყველა მონაწილის ინტერესების გათვალისწინება მოგიწევთ.