ძილის რომელი პოზაა ყველაზე უსაფრთხო ორსულებისთვის - ახალი კვლევა

დიდი ხნის განმავლობაში ექიმები ინტუიციურად ურჩევდნენ ორსულებს, განსაკუთრებით მეორე და მესამე ტრიმესტრში (28-ე კვირიდან), გვერდზე დაეძინათ. თუმცა, რამდენიმე მსხვილმა საერთაშორისო კვლევამ სულ სხვა მტკიცებულებებს აქვეყნებს და ამტკიცებს, რომ მარცხენა გვერდზე ძილი იდეალურია და ორსულები ზურგზე წოლას უნდა მოერიდონ.

რა ხდება, როცა ორსული ზურგზე წვება?
ჩვენს სხეულში ხერხემლის გასწვრივ გადის ყველაზე დიდი ვენა, რომელსაც ქვემო ღრუ ვენა (Inferior Vena Cava) ჰქვია. ეს ძარღვი პასუხისმგებელია სისხლის ქვედა კიდურებიდან გულში დაბრუნებაზე.

როდესაც ორსული ზურგზე წვება, მზარდი საშვილოსნო, ნაყოფი და პლაცენტა (რომელთა საერთო წონა ბოლო თვეებში საკმაოდ დიდია) მთელი ძალით აწვება ამ ვენას და პრაქტიკულად გადაკეტავს მას.

შედეგად: დედის გულს ნაკლები სისხლი მიეწოდება, რაც ხშირად იწვევს თავბრუსხვევას, ჰაერის უკმარისობასა და წნევის ვარდნას. რაც ყველაზე მთავარია — მცირდება პლაცენტის სისხლმომარაგება, რაც ნიშნავს, რომ ბავშვს ნაკლები ჟანგბადი და საკვები ნივთიერებები მიეწოდება.
რატომ მაინცდამაინც მარცხენა გვერდი? კვლევებმა აჩვენა, რომ მარჯვენა გვერდზე წოლაც კი ბევრად სჯობს ზურგზე წოლას, თუმცა მარცხენა გვერდი ამ მხრივ ყველაზე კარგი პოზაა.

მაქსიმალური სისხლის მიმოქცევა: ამ პოზაში ღრუ ვენა სრულიად თავისუფალია, გული მუშაობს იდეალურად და ნაყოფი იღებს ჟანგბადის მაქსიმალურ პორციას.
თირკმელების მუშაობა: მარცხენა მხარეს წოლა ეხმარება თირკმელებს, უკეთესად გამოდევნონ ორგანიზმიდან ზედმეტი სითხე და ტოქსინები. ეს საგრძნობლად ამცირებს ფეხებისა და ხელების შეშუპებას (რაც ორსულების ხშირი პრობლემაა).
მნიშვნელოვანი რჩევა მკვლევრებისგან: თუ ღამით გაგეღვიძათ და აღმოაჩინეთ, რომ ზურგზე გძინავთ, ნუ ინერვიულებთ და ნუ ჩავარდებით პანიკაში. ჩვენი სხეული ძილში ავტომატურად იცვლის პოზას. უბრალოდ, ნაზად გადაბრუნდით მარცხენა გვერდზე.

პატარა ხრიკი: ზურგს უკან ან ფეხებს შორის სპეციალური ორსულების ბალიშის დადება დაგეხმარებათ, რომ ძილში ზურგზე გადაგორება ფიზიკურად ვეღარ შეძლოთ.