ძაღლის ჯიშები, რომლებსაც სახლში არეულობა მოსწონთ

ძაღლების სამყაროში ზოგიერთ ჯიშს „ცელქი“ ხასიათი აქვს. შესაძლოა, ავეჯს ღეჭავდნენ, ფეხსაცმელს გიმალავდნენ. შინაური ცხოველების ექსპერტების თქმით, ცელქ ძაღლებთან ცხოვრება შეიძლება ღიმილითა და კარგი იუმორით იყოს სავსე. თუმცა, ყველას არ შეეფერება ასეთი ძაღლები, წერს Parade Pets.

შინაური ცხოველების ექსპერტებმა დაასახელეს ძაღლების ჯიშები, რომლებსაც სახლში არეულობა უყვართ.

ჩიხუახუა

„ენერგიული და ერთგული ჩიხუახუები პატარა სხეულებში დიდი პიროვნებებით გამოირჩევიან. ისინი ინდივიდუალურ ყურადღებაზე ზრუნავენ“, - აღნიშნა ბარტოლიმ.

მიუხედავად იმისა, რომ ჩიხუახუა შეიძლება ცელქი ძაღლების სახელით იყოს ცნობილი, ისინი ხშირად მჭიდრო კავშირებს ამყარებენ ერთ ადამიანთან ან ადამიანთა მცირე ჯგუფთან.

მოპსი

„საყვარელი მოპსი თაობების განმავლობაში პოპულარული კლოუნი და საყვარელი თანამგზავრი იყო. ეს სამეფო თანამგზავრები კარგად არიან ცნობილები თავიანთი მხიარულებითა და ცნობისმოყვარეობით, რაც იმას ნიშნავს, რომ ისინი ხშირად ეხვევიან უსიამოვნებებში“, - აღნიშნა ვეტერინარმა.

ამიტომ, ექსპერტი გვირჩევს, მოპსებს მივაწოდოთ სხვადასხვა სათამაშო, მაგალითად, თავსატეხები, რათა მათზე კონტროლი შეინარჩუნოთ.

„ვინაიდან ისინი საკვებზე არიან ორიენტირებულნი, მათი გაწვრთნა შედარებით ადვილია“, - დასძინა დოქტორმა.

ჯეკ რასელ ტერიერი

ეს ძაღლები ძალიან ჭკვიანები და ენერგიულები არიან, რის გამოც ისინი ხშირად ცელქები არიან.

„რასელ ტერიერები პატარა ტორნადოები არიან, რომლებიც იდეალურია აქტიური ოჯახებისთვის“, - განმარტა ვეტერინარმა.

ციმბირული ჰასკი

ექსპერტების თქმით, ამ ცელქ ჯიშს უამრავი გართობა სჭირდება.

„ამ ენერგიულ ჯიშს სჭირდება დიდი რაოდენობით გონებრივი სტიმულაცია და სივრცე სირბილისთვის. ისინი ძალიან ხმამაღალი ძაღლები არიან, რომლებიც ხშირად ყმუიან ან ყეფენ და ადრეული ასაკიდანვე საჭიროებენ მუდმივ წვრთნას. ეს ძაღლები ინტელექტუალური და დამოუკიდებლად მოაზროვნეები არიან, რომლებსაც დიდი რაოდენობით სტიმულაცია სჭირდებათ მოწყენილობის შედეგად გამოწვეული დესტრუქციული ქცევის თავიდან ასაცილებლად“, - განმარტა ექსპერტმა.

კურცჰაარი

ეს ძაღლები ენერგიულები და საყვარლები არიან მათი გაწვრთნის უნარის, მაღალი ენერგიის დონის, სიცოცხლისადმი ენთუზიაზმისა და სიხარულის გამო. მიუხედავად იმისა, რომ ისინი ცხოვრობენ სიამოვნებისთვის, არ ერიდებიან თავიანთი ველური მხარის გამოვლენას.

ტაქსა

„ეს ცელქი და ჭკვიანი ძაღლები ნადირობისთვის არიან გამოყვანილი და რეგულარულ ვარჯიშსა და გონებრივ სტიმულაციას საჭიროებენ. მათ აქვთ განვითარებული ყნოსვა და ძლიერი სანადირო ინსტინქტი და უმოქმედობის ან მოწყენილობის დროს შეიძლება მიმართონ თხრას და ზედმეტ ყეფას.“

იორკშირული ტერიერები

„მათ უყვართ ყურადღება და რეგულარული მოვლა სჭირდებათ, რათა აბრეშუმისებრი ბეწვი კარგ მდგომარეობაში შეინარჩუნონ“, - აღნიშნა ვეტერინარმა.

„მათი მცირე ზომის გამო, უმნიშვნელოვანესია, რომ ისეთი ნივთები, რომლებმაც შეიძლება კუჭ-ნაწლავის პრობლემები გამოიწვიოს, მათთვის მიუწვდომელ ადგილას შევინახოთ“, - განმარტა ექსპერტმა