ზვიად გამსახურდიას ჩამოგდების შემდეგ, მსგავსი რაღაც საქართველოში არ მომხდარა - შინაური და გარეული გაერთიანდა, რომ თავისი ნება თავს მოგვახვიოს - სვიმონ ჯანგულაშვილი

,,შინაური და გარეული იბრძვის, რომ გვარამია და ხოშტარია, ლომჯარია და ჯაფარიძე, მელია და სააკაშვილის პარტია გამეფდეს“, - წერს სვიმონ ჯანგულაშვილი ფეისბუქის საკუთარ გვერდზე.

საზოგადოება ,, ქართულის“ თანადამფუძნებელი პარალელს 1991 წელს, ზვიად გამსახურდიას პერიოდთან ავლებს :

,,ქუჩაში ათასობით ზვიადისტს ხვრეტდნენ ხუნტისტები და ამერიკელები და ევროპელები მათ უწოდებდნენ დემოკრატებს და ზვიადს - ფაშისტსა და დინების წინააღმდეგ მიმართულს…

ყველაზე სისხლიანი ავტორიტარიზმი ააშენა სააკაშვილმა და გარეული „მოყვარე“ პოლიტიკოსები დღემდე დემოკრატიის შუქურას უწოდებენ.

ამერიკის სახელმწიფო მდივანი ამბობს - 2004 წლიდან საქართველოში მძლავრი დემოკრატია იყო, ხოლო დღეს არაო.

სახელმწიფო მდივანი, რომელიც 2 თვეში აღარავინ აღარ იქნება. 0 იქნება.

ევროპარლამენტი გვეუბნება - სააკაშვილი გამოუშვით, პოლიტპატიმარია, ნუ აწამებთო. რუსებს სანქციები გამოუცხადეთო. თავი გაინადგურეთო.

ქართველმა ერმა უთხრა „არა“ სააკაშვილს. მისმა 20-მა პროცენტმა ამომრჩეველმა უთხრა „კი“...

გახარია და ხაზარაძე და მათი პარტიები დღეს დგანან არჩევანის ზღვარზე - ან აჰყვნენ ნაცებს და წყალი აამღვრიონ, ან შევიდნენ პარლამენტში და იქიდან გაუწიონ ოპონირება ხელისუფლებას.

ეს არის გახარიას და ხაზარაძის გამოცდა - ისინი ნამდვილად მესამე ძალა არიან, თუ ნაცები.

საქართველო გაივლის ამ განსაცდელს. საქართველო გახდება ევრო-კავშირის წევრი. საქართველო გამთლიანდება და გაბრწყინდება.

ჩვენს ერს და მის მიერ არჩეულ ხელისუფლებას - უმრავლესობასაც და ოპოზიციასაც ყველაზე მძიმე გამოცდა და განსაცდელი აქვთ.

პირველი, რაც ამ განსაცდელის შემდეგ უნდა გაკეთდეს - უნდა აიკრძალოს მკვლელებისა და სადისტების პარტია. სანამ ნაცები პოლიტიკაში იქნებიან, მუდამ ამ უმძიმეს რყევებში ვიქნებით.

მათ სექტანტებს - მიშას და გვარამიას ჰიტლერერებსა და სტალინელებს კი, არაფერი ეშველებათ.

უნდა ვიცოდეთ, რომ ეს 20 პროცენტი ნაცისტები გვყავს და მშვიდად და სიყვარულით უნდა მივუდგეთ მათ ფსიქიკურ და ეთიკურ პრობლემებს - მათ ინფანტილურ ისტერიკებსა და მათ ბოროტებას.

ჰიდრას თავი უნდა წააცალოს ჩვენმა ერმა. ცხრავე თავი. ეს ჰერაკლესეული გმირობა სჭირდება ქართველ ერს.

ღვთისმშობელმა გვიშველოს და ბოროტი სიკეთედ მოაქციოს“, - ნათქვამია სვიმონ ჯანგულაშვილის სტატუსში.