ვახტანგ ჩოჩია „ქართული ოცნების“ მხარდამჭერების ბულინგზე: ეს ახალი არ არის. ბულინგი როგორ უნდა გაგვიკვირდეს იმ ხალხისგან, ვინც 9 წლის განმავლობაში აწიოკებდა ქვეყანას

ცხადია, ეს ახალი არ არის. ეს არის მათი ხელწერა. ბულინგი როგორ უნდა გაგვიკვირდეს იმ ხალხისგან, რომლებიც 9 წლის განმავლობაში ქვეყანაში ატრიალებდა სისხლის ღვრას და აწიოკებდა მთელს ქვეყანას, - ასე ეხმაურება „ქართული ოცნების“ ახალგაზრდული ორგანიზაციის სპიკერი ვახტანგ ჩოჩია სოციალურ ქსელებში ოპოზიციისა და მისი მხარდამჭერების მხრიდან „ქართული ოცნების“ მხარდამჭერების შევიწროების მცდელობას.

„ბულინგი არც გასაკვირია, არც ახალია და არც მოულოდნელი ყოფილა. მათ მიერ წამოწყებული ბულინგის კამპანია ლოგისტიკურად ძალიან რთული იქნება, იმიტომ რომ „ქართული ოცნების“ მხარდამჭერი ფაქტობრივად ქვეყნის მოსახლეობის 60%-ია, აქედან გამომდინარე, 60%-ის დაბულინგება ტექნიკურადაც ძალიან გაუჭირდებათ“, - აცხადებს ჩოჩია.