უმრავლესობა შემდგარი, რომელიც იმოქმედებს არა მხოლოდ საკუთარი, არამედ ყველა ამომრჩევლისთვის და ოპოზიციის ნაცვლადაც, მათ ამომრჩეველზეც ვიზრუნებთ - შალვა პაპუაშვილი

რაც მთავარია „ქართულმა ოცნებამ“ მოიპოვა დამაჯერებელი გამარჯვება, უმრავლესობა შემდგარი, რომელიც იმოქმედებს არა მხოლოდ საკუთარი, არამედ ყველა ამომრჩევლისთვის და ოპოზიციის ნაცვლადაც მათ ამომრჩეველზეც ვიზრუნებთ, - განაცხადა საქართველოს პარლამენტის თავმჯდომარემ, შალვა პაპუაშვილმა.

„პარლამენტის სხდომების ნახევარზე ისინი არ იმყოფებოდნენ, მეორე ნახევრიდან ნახევარში მათ ნაცვლად მისი კოლეგები ატარებდნენ ბარათებს და ამის სტატისტიკას ცალკე ვხედავ მე, როგორც სხდომის თავმჯდომარე. აი, ასეთი პარლამენტი გვქონდა. არცერთი რეფორმისთვის მათ მხარი არ დაუჭერიათ. არანაირი ამომრჩევლის ინტერესიდან გამომდინარე, საპარლამენტო საქმიანობა მათ არ ჰქონიათ, ისინი მოდიოდნენ მხოლოდ ტრიბუნისთვის და მედიისთვის. ამიტომ, ასეთი ხალხით ვიქნებით თუ ასეთი ხალხის გარეშე გადამწყვეტი მნიშვნელობა არ აქვს“, - აღნიშნა შალვა პაპუაშვილმა.