თურქმენეთში ირაკლი კობახიძის ვიზიტი დღეიდან დაიწყება

საქართველოს პრემიერ-მინისტრის ოფიციალური შეხვედრები აშხაბადში დღეიდან იწყება. ირაკლი კობახიძეს თურქმენეთის პრეზიდენტი სერდარ ბერდიმუჰამედოვი უმასპინძლებს.

დღესვე შედგება საქართველოსა და თურქმენეთის მთავრობის წევრების გაფართოებული ფორმატის მოლაპარაკებები, რის შემდეგაც დარგობრივ უწყებებს შორის სხვადასხვა სფეროში თანამშრომლობის შესახებ შეთანხმებები გაფორმდება.

საქართველოს მთავრობის ხელმძღვანელი თურქმენეთში გუშინ, უზბეკეთიდან ჩაფრინდა. ქართულ დელეგაციას აშხაბადის აეროპორტში თურქმენეთის მინისტრთა კაბინეტის თავმჯდომარის მოადგილე დახვდა.