თორნიკე რიჟვაძე: მე თავიდანვე იგივე პოზიცია მქონდა და თუ თქვენთვის კითხვას წარმოადგენდა, მგონი არ ხართ ღირსი, რომ გიპასუხოთ

აჭარის მთავრობის თავმჯდომარემ თორნიკე რიჟვაძემ დღეს საქართველოს მთავრობის სხდომის დასრულების შემდეგ ჟურნალისტების შეკითხვებს უპასუხა.

ტელეკომპანია „ფორმულას“ შეკითხვას მის ამჟამინდელ პოზიციასთან დაკავშირებით, თუ ვინ დაიწყო ომი უკრაინაში, აჭარის მთავრობის თავმჯდომარემ უპასუხა, რომ მას თავიდანვე ის პოზიცია ჰქონდა, რაც ახლა აქვს.

„ტელეკომპანია? ფორმულა, გასაგებია. მე თავიდანვე იგივე პოზიცია მქონდა, რაზეც მოგახსენეთ და თუ თქვენთვის კითხვას წარმოადგენდა, მგონი არ ხართ ღირსი, რომ გიპასუხოთ. ისე, რუსეთის ფედერაციამ დაიწყო, იცოდით ალბათ თავიდანვე“ - აღნიშნა თორნიკე რიჟვაძემ.