თორნიკე ჭეიშვილი: საზოგადოებამ იხილა დევნის, შანტაჟის მრავალწლიანი კამპანია, რომელიც წარმოებდა ბატონი ბიძინა ივანიშვილის, მისი ოჯახის მიმართ

საზოგადოებამ იხილა მრავალწლიანი კამპანია დევნისა, შანტაჟისა, რომელიც წარმოებდა ბატონი ბიძინა ივანიშვილის, მისი ოჯახის მიმართ, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილე თორნიკე ჭეიშვილმა.

მისი თქმით, მიზეზი რის გამოც დიფ სთეითი ბიძინა ივანიშვილს ებრძვის, „ქართული ოცნების“ დამფუძნებლის გაცხადებული პოზიციაა ქვეყანაში მშვიდობის შესარჩუნებაზე.

„პირდაპირი რეკეტი და ანგარიშსწორება [იყო] ბატონი ბიძინა ივანიშვილზე, იმის გამო რომ მან დიფ სთეითის ნების საწინააღმდეგოდ დაიცვა ამ ქვეყანაში მშვიდობა, უზრუნველყო ეკონომიკური წინსვლა და განვითარება და არ დაიწყო იმ მითითებების შესრულება, რომელიც საბოლოო ჯამში, ჩვენს ქვეყანას გახვევდა ომის ქარცეცხლში“, - აღნიშნა ჭეიშვილმა.

რამდენიმე დღეში ბრიტანული სასამართლო საბოლოო გადაწყვეტილებას გამოიტანს იმ დავის შესახებ, რომელიც წლებია გრძელდება და მოსარჩელეს ყველა წინა პროცესი მოგებული აქვს, - ინფორმაციას ქართული ოცნების საპატიო თავმჯდომარის ადვოკატი ავრცელებს. ბიძინა ივანიშვილის უფლებადამცველი ასევე დეტალურად საუბრობს, 2008 წლიდან განვითარებულ მოვლენებზე.