თამთა მეგრელიშვილი გია დვალს: იქნებ მიპასუხოთ რა სურს ხალხს? ომი თუ მშვიდობა? თქვენ, სამწუხაროდ "ნაციონალური მოძრაობის" ომის ნარატივზე "დაჯექით" და ნუ გაისვრებით ომის პარტიის სისხლიან პოლიტიკაში

"ბატონო გია, იქნებ მიპასუხოთ და როგორია ხალხის ნება?! რა სურს ხალხს? ომი თუ მშვიდობა? დიდი მეცნიერული მსჯელობა არ სჭირდება ამ კითხვებზე პასუხს. ომის პარტიისაგან განსხვავებით ხალხს სურს მშვიდობა და მობეზრებული აქვს უშინაარსო აქციები“- ასე ეხმიანება საჯარო მმართველობის დოქტორი თამთა მეგრელიშვილი ტელეკომპანია „მთავარი არხის“ ეთერში გია დვალის განცხადებას.

"მთავარი არხის" ეთერში რუსეთ-უკრაინის ომზე საუბრისას გია დვალმა ქართულ სახელმწიფოს გამოჩენილი საჭირო გონივრული პოლიტიკა დაუწუნა და განაცხადა "ხელისუფლება ხალხის მტრად გამოიკვეთა...

ჩვენი მთავრობა დღეს პრორუსული კი არ არის, ჩვენი მთავრობა პირდაპირ რუსეთიდან არის მართული".

"ახლა მნიშვნელოვანია, რომ მოსახლეობამ საკუთარი აზრი დააფიქსიროს, ამისთვის კი აქტიურად უნდა იარონ აქციებზე, მუდმივად უნდა ისაუბრონ უკრაინაში რუსეთის ქმედებებთან დაკავშირებით და “მოხდეს ხალხის კონსოლიდაცია, რადგან ვერც ერთი ხელისუფლება ვერ აღუდგება ტოტალურად ხალხის ნებას-ო”. ბატონო გია, იქნებ მიპასუხოთ და როგორია ხალხის ნება?! რა სურს ხალხს? ომი თუ მშვიდობა?

დიდი მეცნიერული მსჯელობა არ სჭირდება ამ კითხვებზე პასუხს. ომის პარტიისაგან განსხვავებით ხალხს სურს მშვიდობა და მობეზრებული აქვს უშინაარსო აქციები.

თქვენ, ნიკა გვარამიასთან საუბრისას სამწუხაროდ "ნაციონალური მოძრაობის" ომის ნარატივზე "დაჯექით" არადა საზოგადოებაში როგორი პატივისცემით სარგებლობთ... ნუ დაიღუპავთ თავს და ნუ გაისვრებით ომის პარტიის სისხლიან პოლიტიკაში მათი დრო წასულია...“- წერს მეგრელიშვილი Facebook-ზე.       Enter თეონა forwarded a message დავით ქართველიშვილი: ვიოლა ფონ კრამონი მავნებელია, როდესაც საქართველოს მეორე ფრონტის არ გახსნასა და სეპარატისტულ რეგიონებში სამხედრო ოპერაციის არ ჩატარებაში ადანაშაულებს „თავისი ამორალურობის მწვერვალიდან, ფონ კრამონმა საქართველო დაადანაშაულა "სიტუაციის სათავისოდ გამოყენებაში, რათა აგრესორთან ერთად „ფული იშოვონ“ - ამიტომ თავმოყვარე სახელმწიფომ ის ასევე არ უნდა შემოუშვას ქვეყანაში, როგორც ნებისმიერი სხვა პოლიტიკური ტერორისტი, მანამ, სანამ მკაფიოდ ნათქვამ ბოდიშის მოხდას არ მოვისმენთ მისგან“- ასე ეხმიანება ექსპერტი დავით ქართველიშვილი ვიოლა ფონ კრამონის ინტერვიუს. „ერთადერთი შემთხვევაა, როდესაც ვიოლა ფონ კრამონის სააკაშვილისეულ შეფასებას - "ამორალური იდიოტი" - აბსოლუტურად ვეთანხმები. მისი უკანასკნელი ინტერვიუ საქართველოს ევროკავშირში გაწევრიანების შანსების თაობაზე, არა მხოლოდ ამძაფრებს ამ შეფასებას, არამედ ახალ ეპითეტებს ბადებს. ამ ინტერვიუში ფრაუ ვიოლა წარმოადგენდა ერთდროულად რუსეთის სათათბიროს დეპუტატს მარია ბუტინასა და ქართველებს - ხატია დეკანოიძესა და ეკა გიგაურს. თავისი ამორალურობის მწვერვალიდან, ფონ კრამონმა საქართველო დაადანაშაულა "სიტუაციის სათავისოდ გამოყენებაში, რათა აგრესორთან ერთად „ფული იშოვონ“ - ამიტომ თავმოყვარე სახელმწიფომ ის ასევე არ უნდა შემოუშვას ქვეყანაში, როგორც ნებისმიერი სხვა პოლიტიკური ტერორისტი, მანამ, სანამ მკაფიოდ ნათქვამ ბოდიშის მოხდას არ მოვისმენთ მისგან. ამორალური მავნებელია იგი მაშინაც, როდესაც საქართველოს მეორე ფრონტის არ გახსნასა და სეპარატისტულ რეგიონებში სამხედრო ოპერაციის არ ჩატარებაში ადანაშაულებს - ამ კუთხით მისთვის ჩვენი "ხელების ჩამოყრა, დანებება და არანაირი წინააღმდეგობის გაწევა, რა თქმა უნდა, ძნელი გასაგებია". ეს არის დამატებითი არგუმენტი, რატომ არ უნდა შემოვუშვათ ჩვენთან ფრაუ ვიოლა, თუნდაც წინა ამორალურობაში ბოდიშიც რომ მოიხადოს. დაბრმავებული ამორალური იდიოტია მაშინაც, როდესაც "ვერ ხედავს რაიმე უტყუარ მტკიცებულებას, რომ საქართველოს მთავრობა ნამდვილად აკეთებს ყველაფერ შესაძლებელს, რათა ევროკავშირისთვის სარწმუნო განაცხადი ჰქონდეს. ძალიან ძნელი იქნება მისთვის ტრიოს ფორმატის შენარჩუნება, როდესაც ქვეყნები განსხვავებულ დონეზე არიან". რა თქმა უნდა - განსხვავებულია ეს დონე: ჩვენთან არ იხურება ოპოზიციური ტელეარხები, არ იკრძალება ათზე მეტი ოპოზიციური პარტიის საქმიანობა, ტარდება ყველა ის რეფორმა, რომლის ჩანასახიც კი ვერ იპოვა ჟოზეფ ბორელმა "ტრიოს" დანარჩენ სივრცეებში და ჩვენ არ გამოგვყავს "ისლამური სახელმწიფო" მისაბაძ მმართველობის ფორმად - როგორც ამას ჩვენზე "განსხვავებულ დონეზე" მყოფი ქვეყნების ხელისუფლების მრჩევლები აკეთებენ. თუ რისი ღირსია საქართველო და რა დონეზე იმყოფება ამჟამად, ამას მომავალი გვიჩვენებს. ერთადერთი რაც ცალსახად უნდა ითქვას, ვიოლა ფონ კრამონის მსგავსი "ამორალური იდიოტის" ადგილი საქართველოს აწმყოსა თუ მომავალში არ უნდა იყოს“- წერს ქართველიშვილი Facebook-ზე.