სპორტის მინისტრმა ევროპის ბატუტზე ხტომის ტექნიკური კომიტეტის პრეზიდენტთან სამუშაო შეხვედრა გამართა

საქართველოს სპორტის მინისტრი შალვა გოგოლაძე ევროპის ბატუტზე ხტომის ტექნიკური კომიტეტის პრეზიდენტს, ბაბეტ ვან ვეტერინგს შეხვდა.

მხარეებმა სამუშაო შეხვედრა გამართეს და სამომავლო გეგმებზე ისაუბრეს, რაც საქართველოში ტანვარჯიშის კიდევ უფრო განვითარებას შეუწყობს ხელს, ასევე იმსჯელეს 2028 წელს საქართველოში ბატუტზე ხტომის ევროპის ჩემპიონატის ჩატარების შესაძლებლობაზე.

შეხვედრას სპორტის სამინისტროს, ევროპის ბატუტზე ხტომის ტექნიკური კომიტეტის ვიცე-პრეზიდენტი ლუის ნუნეში, ტექნიკური კომიტეტის სხვა და საქართველოს ტანვარჯიშის ფედერაციის წარმომადგენლები ესწრებოდნენ.

ინფორმაციას სპორტის სამინისტრო ავრცელებს.