„შოლცი უკრაინისთვის სამხედრო დახმარების გამოყოფას არ ბლოკავს“ - ბორის პისტორიუსი

შოლცი უკრაინისთვის 3 მილიარდ ევროს არ ბლოკავს. აღნიშნული ინფორმაცია, რომელიც გერმანულმა მედიამ გაავრცელა, გერმანიის თავდაცვის მინისტრმა გამოცემა Tagesspiegel-თან ინტერვიუში უარყო.

ბორის პისტორიუსმა განაცხადა, რომ გერმანიაში შიდაპოლიტიკური საკითხების მოგვარების შემდეგ აღნიშნული საკითხის გადაჭრის მოლოდინიც აქვს.

საკითხის ირგვლივ დისკუსია Der Spiegel-ის ინფორმაციის შემდეგ დაიწყო. გამოცემა წერდა, რომ გერმანიის კანცლერმა დაბლოკა ანალენა ბერბოკის, გერმანიის საგარეო საქმეთა მინისტრის და პისტორიუსის ინიციატივა, რომელიც უკრაინისთვის სამხედრო მხარდაჭერის 3 მილიარდიანი პაკეტის გამოყოფას ითვალისწინებდა.