„შოკირებული და დამწუხრებული ვარ“ - სალომე ზურაბიშვილი განცხადებას აქვეყნებს

საქართველოს პრეზიდენტი სალომე ზურაბიშვილი უკრაინაში ჩაპლინოს რკინიგზის სადგურზე მომხდარი თავდასხმას სოციალურ ქსელში ეხმაურება.

„შოკირებული და დამწუხრებული ვარ უკრაინაში ჩაპლინოს რკინიგზის სადგურზე რუსეთის მიერ მიტანილი იერიშის გამო. საშინელი თავდასხმა უკრაინის დამოუკიდებლობის დღეს, მშვიდობიანი მოსახლეობის წინააღმდეგ მიმართული ძალადობის ბარბაროსული გამოვლინებაა.

ვგლოვობ ამ ტრაგიკულ დანაკარგს. საქართველო უკრაინელი ერის გვერდით დგას!“, - წერს პრეზიდენტი.