შალვა პაპუაშვილი: სახეზე გვაქვს კვლავ გაერთიანებული „ნაციონალური მოძრაობა“, იგივე სახეები, რომლებმაც წამების, ბიზნესის რეკეტისა და მედიის მიტაცების სისტემა შექმნეს, ცდილობენ, იმავე გეგმით იმოქმედონ

იგივე სახეები, რომლებმაც საქართველოში წამების, ბიზნესის რეკეტისა და მედიის მიტაცების სისტემა შექმნეს, დღეს კვლავ გაერთიანდნენ და ცდილობენ, ზუსტად იმავე გეგმით იმოქმედონ, რაც მაშინ ჰქონდათ, – ამის შესახებ საქართველოს პარლამენტის თავმჯდომარე შალვა პაპუაშვილმა „ოპოზიციის ალიანსის“ წევრების აშშ-ში ვიზიტთან დაკავშირებით ჟურნალისტებს განუცხადა.

პაპუაშვილის თქმით, სახეზეა გაერთიანებული „ნაციონალური მოძრაობა“.

„სახეზე გვაქვს გაერთიანებული „ნაციონალური მოძრაობა“. იგივე სახეები, რომლებმაც საქართველოში წამების, ბიზნესის რეკეტის და მედიის მიტაცების სისტემა შექმნეს, დღეს კვლავ გაერთიანდნენ და ცდილობენ, ზუსტად იმავე გეგმით იმოქმედონ, რაც მაშინ ჰქონდათ – თავადაც თქვეს, რომ ხელისუფლების გადაბარების გეგმები უნდა წარუდგინონ თავიანთ უცხოელ პატრონებს და უცხოეთიდან მიღებული დავალებების შესაბამისად იმოქმედონ. ეს არის ყველაზე კარგი ლუსტრაცია. მადლობა გვეთქმის მათთვის, რომ ეს თამაშები, რომელიც მათ ჰქონდათ, თითქოს „ნაციონალური მოძრაობა“ გაიყო, დაიშალა, გაიშალა თუ ა.შ, დასრულდა და გვაქვს კვლავ გაერთიანებული „ნაციონალური მოძრაობა“. უფრო ცხადი გახდა ჩვენი მოსახლეობისთვისაც, რა ძალასთან გვაქვს საქმე“, – განაცხადა შალვა პაპუაშვილმა.