სალომე ზურაბიშვილს კიდევ ერთხელ დავუდასტურე ევროკავშირის ერთგულება საქართველოს ევროპულ გზაზე - შარლ მიშელი

საქართველოს პრეზიდენტი სალომე ზურაბიშვილი ბრიუსელში ევროპული საბჭოს პრეზიდენტს, შარლ მიშელს შეხვდა.

„პრეზიდენტ სალომე ზურაბიშვილთან კიდევ ერთხელ დავადასტურე ევროკავშირის ერთგულება საქართველოს ევროპულ გზაზე. ასევე, მივესალმე მის როლს ქართველი ხალხის მისწრაფებების წინსვლაში“, - წერს ევროპული საბჭოს პრეზიდენტი. 

„ევროკავშირის საბჭოს გადაწყვეტილება მიენიჭებინა საქართველოსთვის ევროპული პერსპექტივა არის ისტორიული შესაძლებლობა, რომელიც ხელიდან არ უნდა იქნეს გაშვებული. რეფორმების კუთხით პროგრესი გადამწყვეტია“, - აცხადებს შარლ მიშელი.