სალომე ზურაბიშვილი კიდევ ერთხელ ადასტურებს, რომ მთელი ის მოღალატეობრივი საქმიანობა, რომელიც მისი ხელმძღვანელობით ქვეყნის საზიანოდ წარმოებდა, მხოლოდ და მხოლოდ იმაზე იყო ორიენტირებული, რომ მას პოზიცია შეენარჩუნებინა - გივი მიქანაძე

„სალომე ზურაბიშვილი ამ განცხადებით კიდევ ერთხელ ადასტურებს იმას, რომ მისთვის არის პირად კონტექსტში ძალიან მნიშვნელოვანი ამ ძალიან მაღალი კონსტიტუციური პოზიციის თუნდაც არალეგიტიმურად ფლობა და დაკავება“- ამის შესახებ განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძემ სალომე ზურაბიშვილის იმ განცხადების შესახებ საუბრისას განაცხადა, რომლის თქმითაც, ის არ აპირებს პრეზიდენტის თანამდებობის დატოვებას.

როგორც მიქანაძემ აღნიშნა, სალომე ზურაბიშვილმა რა განცხადებაც არ უნდა გააკეთოს მნიშვნელობა არ აქვს, რადგან ახლად არჩეული პრეზიდენტის ინაუგურაციის შემდეგ მას უფლებამოსილება შეუწყდება. „სალომე ზურაბიშვილი ამ განცხადებით კიდევ ერთხელ ადასტურებს, რომ მთელი ის მოღალატეობრივი საქმიანობა, რომელიც განსაკუთრებით, ბოლო ორი წლის განმავლობაში მისი ხელმძღვანელობით და უშუალო ჩართულობით ქვეყნის საზიანოდ წარმოებდა როგორც ქვეყნის შიგნით, ასევე ქვეყნის გარეთ მხოლოდ და მხოლოდ იმაზე იყო ორიენტირებული, რომ მას პოზიცია შეენარჩუნებინა. ამიტომ, მისი განცხადება აბსოლუტურად არანაირ ინტერესს არ იწვევს გამომდინარე იქიდან, რომ მას შემდეგ, რაც მოხდება ახლად არჩეული პრეზიდენტის ინაუგურაცია, მისი უფლებამოსილება ავტომატურად შეწყდება და შესაბამისად, საქართველოს ეყოლება და 2025 წელს შეხვდება ახალი პრეზიდენტით.

მიხეილ ყაველაშვილი მიულოცავს საქართველოს საზოგადოებას 2025 წლის დადგომას. ამიტომ, ზურაბიშვილმა რა განცხადებებიც არ უნდა გააკეთოს, ამას არანაირი მნიშვნელობა არ აქვს იმიტომ, რომ ხალხისგან ლეგიტიმაცია მიცემული პარლამენტის, უმაღლესი საბჭოებისა და საკრებულოების წევრებისგან შემდგარმა დელეგატებმა გუშინ განახორციელეს ახალი სისტემით ახალი პრეზიდენტის არჩევა და შესაბამისად, ინაუგურაციის შემდეგ ის შეუდგება თავისი უფლებამოსილების შესრულებას“ - განაცხადა გივი მიქანაძემ.      შეყვანის ღილაკი Gvantsa გივი მიქანაძე: ნაძვის ხის ანთების ცერემონიალის დროებით გადადება, კიდევ ერთხელ მიუთითებს იმაზე, რომ ჩვენ ყველაფერს ვაკეთებთ, იმისთვის, რომ საზოგადოების გახლეჩა და დაპირისპირება არ მოხდეს და ის პროვოკაციული ქმედებები, რომელიც ნაკარნახევია რადიკალური ფრთის წარმომადგენლების მხრიდან, არ განხორციელდეს გუშინ დაგეგმილი იყო საახალწლო ნაძვის ხის ოფიციალური ცერემონიალური ანთება, რომელზეც დაპატიჟებული იყო ჩვენი დედაქალის მაცხოვრებელი და სტუმარი ადამიანები, რა თქმა უნდა პატარებთან ერთად. ჩვენ ვნახეთ რომ რადიკალებმა ყველაფერი გააკეთეს, მათ შორის სალომე ზურაბიშვილმაც თავისი განცხადებებით იმისთვის, რომ იმის მაგივრად, რომ მომხდარიყო ამ საზეიმო ცერემონიალის განხორციელება, რაც პირველ რიგში ჩვენი პატარებისთვის არის მნიშვნელოვანი, ამის ნაცვლად შექმნეს დაპირისპირების კერა, – ამის შესახებ საპარლამენტო უმრავლესობის წევრმა, გივი მიქანაძემ განაცხადა. მისივე თქმით, ნაძვის ხის ანთების ცერემონიალის დროებით გადადება, კიდევ ერთხელ მიუთითებს იმაზე, რომ ხელისუფლება ყველაფერს აკეთებს, იმისთვის, რომ არ მოხდეს საზოგადოების გახლეჩა და დაპირისპირება და ის პროვოკაციული ქმედებები, რომელიც დაორგანიზებულია რადიკალური ფრთის წარმომადგენლების მხრიდან, ვერ განხორციელდეს. „ხელისუფლება კიდევ ერთხელ ადასტურებს, რომ ჩვენ გვაქვს პასუხისმგებლობიანი დამოკიდებულება ჩვენი ქვეყნისა და საზოგადოების წინაშე და გადაწყვეტილება იმის თაობაზე, რომ მოხდა ნაძვის ხის ანთების ცერემონიალის დროებით გადადება, კიდევ ერთხელ მიუთითებს იმაზე, რომ ჩვენ ყველაფერს ვაკეთებთ, იმისთვის, რომ საზოგადოებას შორის გახლეჩა არ მოხდეს, დაპირისპირება არ მოხდეს და ის პროვოკაციული ქმედებები, რომელიც ნაკარნახევია და არის დაორგანიზებული რადიკალური ფრთის წარმომადგენლების მხრიდან, მათი გეგმები რომ არ განხორციელდეს და პირველ რიგში ჩვენ ჩვენი გადაწყვეტილებებით და ნაბიჯებით ვართ ორიენტირებული საზოგადოების კეთილდღეობაზე. გუშინდელი ეს გადაწყვეტილებაც ზუსტად ამით იყო ნაკარნახევი. თქვენ ასევე ნახეთ, რომ ჩვენი გუნდის ლიდერი, მამუკა მდინარაძე, სხვა დეპუტატებთან ერთად ჩავიდა მოსახლეობაში, რომელიც მოდიოდა ნაძვის ხის ცერემონიალში მონაწილეობის მისაღებად ბავშვებთან ერთად და სთხოვა მან, იმისთვის, რომ ეს სიტუაცია რაიმე დაპირისპირებაში არ გადაზრდილიყო და პროვოკაციის განხორციელებისთვის რაიმე საფუძველი არ შექმნილიყო, რომელსაც რა თქმა უნდა უქმნიდნენ პირველ რიგში რადიკალები, სთხოვა რომ დაშლილიყვნენ. მადლობელი ვართ ჩვენი მოქალაქეების, რომლებიც გაგებით მოეკიდნენ ამ პროცესს, მიხვდნენ შექმნილი სიტუაციის ვითარებას და იმ რისკებს, რომელიც ამ სიტუაციიდან გამომდინარე შეიძლება ყოფილიყო და მათ მიიღეს ეს თხოვნა და მოხდა მათი უკან სახლში გაბრუნება“, - განაცხადა გივი მიქანაძემ. მისივე თქმით, ღონისძიების გადადება რადიკალების მხრიდან აღქმული იქნა როგორც ხელისუფლების მიერ უკან დახევა, რადგან ოპოზიციას წარმოადგენენ ის ადამიანები, რომლებმაც წინა ხელისუფლების დროს 26 მაისის ღონისძიების ჩასატარებლად, რუსთაველის გამზირზე „წმენდა“ ჩაატარეს, რომელიც სავალალო შედეგებით დასრულდა. „ვხედავთ, რომ რადიკალების მხრიდან ეს ყველაფერი მიზანმიმართულად აღქმული იქნა თითქოს რაღაცაზე უკან დახევად. ზუსტად ეს კიდევ ერთხელ ავლენს მათ სახეს. ეს არიან ადამიანები, რომლებიც უკან არაფერზე არ დაიხევდნენ და რომლებმაც 26 მაისის ღონისძიება რომ ჩატარებულიყო, ჩაატარეს ამ სიტყვის პირდაპირი მნიშვნელობით წმენდა რუსთაველის გამზირზე და გახსოვთ თქვენ ეს რა შედეგებით დასრულდა, რა სავალალო შედეგებით დასრულდა, მაშინ როდესაც მოქმედი ხელისუფლება ყველაფერს აკეთებს და გააკეთებს მომავალშიც იმისთვის, რომ საზოგადოებას შორის დაპირისპირება არ იყოს და ყველა ნაბიჯი და ყველა მიმდინარე სიტუაცია იყოს პირველ რიგში საზოგადოების კეთილდღეობაზე ორიენტირებული“, - აღნიშნა გივი მიქანაძემ.