"საგრანტო პროგრამა შეიმუშავეს, რითაც უნდა ჩაანაცვლონ დესტრუქცია და მავნებლობა საქართველოში USAID-ის და NED-ის მაგივრად" - ლევან მაჭავარიანი დიდი ბრიტანეთის ახალ საგრანტო პროგრამაზე

"ბრიტანეთის საგარეო საქმეთა მინისტრის ფარგლებში არსებული საგრანტო პროგრამა შეიმუშავეს, რითაც უნდა ჩაანაცვლონ დესტრუქცია და მავნებლობა საქართველოში USAID-ის და NED-ის მაგივრად," - ამის შესახებ პარლამენტის ფრაქცია "ქართული ოცნების" თავმჯდომარის მოადგილემ, ლევან მაჭავარიანმა განაცხადა, რითაც დიდი ბრიტანეთის ახალ საგრანტო პროგრამას გამოეხმაურა.

მისი შეფასებით, ეს არის კიდევ ერთი მაგალითი, თუ როგორ იბრძვის "დიფ სთეითი"

"დიდი ბრიტანეთიდან გვესმის ხმაურიანი განცხადებები. მაგალითად, არ შემიძლია გამოვტოვო მოსამართლეების დასანქცირება. ბრიტანეთის საგარეო საქმეთა მინისტრის ფარგლებში არსებული საგრანტო პროგრამა შეიმუშავეს, რითაც უნდა ჩაანაცვლონ დესტრუქცია და მავნებლობა საქართველოში USAID-ის და NED-ის მაგივრად. სწორედ ამ ფონდებიდან უნდა იყვნენ დაფინანსებული ეს მდიდარი "ენჯეოები," რომლებიც გაღარიბების ზღვარს იყვნენ მიახლოებულები.

ქალბატონი ლიზ ტრასმა, რომელიც გახლდათ 2022 წელს ბრიტანეთის პრემიერ-მინისტრი, რამდენიმე ინტერვიუში ბოლო ორი-სამი თვის განმავლობაში განაცხადა, რომ იგი დამოუკიდებლად გადაწყვეტილებებს ვერ იღებდა. ანუ "დიფ სთეითს" მისივე თქმით, უფრო ღრმად აქვს ფესვები გადგმული დიდ ბრიტანეთში, ვიდრე აშშ-ში," - განაცხადა მაჭავარიანმა.

ცნობისთვის, გრანტები დიდი ბრიტანეთიდან, თბილისში განხილვის საგანია - ბრიტანეთის მთავრობა საგრანტო პროგრამას აცხადებს. დოკუმენტი დიდი ბრიტანეთის ოფიციალურ ვებგვერდზე გამოქვეყნდა. გრანტის მიღება ქართულ ორგანიზაციებს 100 000 გირვანქა სტერლინგამდე თანხის მიღების შესაძლებლობას აძლევს. გამოქვეყნებული ინფორმაციის მიხედვით, დაფინანსება ხელმისაწვდომი იქნება მაისიდან დეკემბრამდე, განაცხადები მიღების ბოლო ვადა კი 25 აპრილია.