როდესაც მსგავსი მოწოდებები გვესმის, ძალიან მნიშვნელოვანია ამის სწორი ანალიზი გაკეთდეს და რაც მთავარია, კარგად გვქონდეს გათვითცნობიერებული, თუ რა არის ჩვენი ეროვნული ინტერესი - თორნიკე ჭეიშვილი ფინეთის პრეზიდენტის განცხადებაზე

ასე აფასებს პარლამენტის იურიდიულ საკითხთა კომიტეტის თავმჯდომარის პირველი მოადგილე, თორნიკე ჭეიშვილი მედიასთან ფინეთის პრეზიდენტის განცხადებებს, რომელმაც საკუთარ მოსახლეობას რუსეთთან დიალოგის მორალური მომზადებისკენ მოუწოდა და განაცხადა, რომ ყველაფრის მიუხედავად, რუსეთი ფინეთის მეზობლად დარჩება.

„ერთი მხრივ შეიძლება საქართველოს მოუწოდებდნენ გარკვეული ესკალაციისკენ, მათ შორის რუსეთის ფედერაციასთან მიმართებით და მორე მხრივ, დაკავებულები იყვნენ თავად სავაჭრო ურთიერთობების განვითარებით. როდესაც მსგავსი მოწოდებები გვესმის, ძალიან მნიშვნელოვანია ამის სწორი ანალიზი, სისტემური ანალიზი გაკეთდეს და რაც მთავარია, კარგად გვქონდეს გათვითცნობიერებული, თუ რა არის ჩვენი ეროვნული ინტერესი. ჩვენი ეროვნული ინტერესი, რასაკვირველია არის მშვიდობა, მშვიდობის და უსაფრთხოების შენარჩუნება, ეკონომიკური განვითარება და ზოგადად ის გარემო, რომელიც საერთო ჯამში კიდევ უფრო მაღალ ხარისხში აიყვანს საქართველოში კეთილდღეობის მაჩვენებელს“, - აღნიშნა ჭეიშვილმა.