როდესაც დიდი ბრიტანეთი გამოყოფს გრანტს საარჩევნო მიმართულებით, ეს ნიშნავს იმას, რომ ოპოზიცია, რომელიც ითხოვს ხელახალ არჩევნებს, ის არჩევნები აუცილებლად უნდა ჩატარდეს - ლანა გალდავა

საარჩევნო მიმართულებით, ეს ნიშნავს იმას, რომ ოპოზიცია, რომელიც ითხოვს ხელახალ არჩევნებს, ის არჩევნები აუცილებლად უნდა ჩატარდეს, - ამის შესახებ ძლიერი საქართველოს" ერთ-ერთმა წევრმა, ლანა გალდავამ განაცხადა, რითაც ბრიტანეთის მთავრობის მიერ გრანტების გამოცხადებას გამოეხმაურა.

"USAID ეხმარებოდა საქართველოს დიდი ხნის განმავლობაში, ის არის შეჩერებული გარკვეული პერიოდი და ყველა ეს პროექტი იყო თავსებადი საქართველოს ეროვნულ ინტერესებთან. დიდი ბრიტანეთი არის მთელ მსოფლიოში დემოკრატიის ფლაგმანი ქვეყნებიდან ერთ-ერთი ამერიკის შეერთებულ შტატებთან ერთად და, როდესაც დიდი ბრიტანეთი გამოყოფს და საუბარია გრანტის გამოყოფაზე საარჩევნო მიმართულებით, ეს ნიშნავს იმას, რომ ოპოზიცია, რომელიც ითხოვს ხელახალ არჩევნებს, ის არჩევნები აუცილებლად უნდა ჩატარდეს თავისუფალ, სამართლიან და კონკურენტუნარიან გარემოში," - განაცხადა ლანა გალდავამ.

ცნობისთვის, გრანტები დიდი ბრიტანეთიდან, თბილისში განხილვის საგანია - ბრიტანეთის მთავრობა საგრანტო პროგრამას აცხადებს. დოკუმენტი დიდი ბრიტანეთის ოფიციალურ ვებ-გვერდზე გამოქვეყნდა. "ქართულ ოცნებაში" აცხადებენ, რომ, დაფინანსების ამერიკული წყაროების შეწყვეტის შემდეგ, ქართული არასამთავრობოებისთვის ბრიტანული გრანტი, რეალურად, USAID-ის ალტერნატივაა და დესტრუქციულ მიზნებს ემსახურება.