Reuters: რუსეთმა ინდოეთთან ნავთობის მიწოდებაზე ისტორიაში ყველაზე დიდი შეთანხმება გააფორმა

რუსეთმა ინდოეთთან ნავთობის მიწოდებაზე ისტორიაში ყველაზე დიდი შეთანხმება გააფორმა. ინფორმაციას Reuters-ი ავრცელებს.

ხელშეკრულების თანახმად, რუსული კომპანია „როსნეფტი“ 10 წლის განმავლობაში ინდოეთის ნავთობკომპანია „რილაიენს“ 500 ათას ბარელ ნედლ ნავთობს მიაწვდის.

მსხვილი ენერგო გარიგება, დღევანდელი ფასებით, წელიწადში 13 მილიარდ დოლარად არის შეფასებული.

ინდოეთი რუსული ნავთობის მსხვილი იმპორტიორი უკრაინაში ომის დაწყებისა და რუსულ ენერგო მატარებლებზე დასავლური სანქციების დაწესების შემდეგ გახდა.