რომელ საფლავებს უნდა მოერიდოთ და რის შესახებ აფრთხილებენ სასაფლაოზე გამსვლელებს ეზოტერიკოსები
1743714167
აჭარის მთავრობის მეთაურის პოსტზე საქართველოს პრეზიდენტმა, მიხეილ ყაველაშვილმა სულხან თამაზაშვილი წარადგინა.
„აჭარის ავტონომიური რესპუბლიკის მთავრობის თავმჯდომარის თანამდებობაზე დასამტკიცებლად უმაღლეს საბჭოს სულხან თამაზაშვილის კანდიდატურა წარვუდგინე. აღნიშნული გადაწყვეტილება აჭარის უმაღლეს საბჭოში წარდგენილ პოლიტიკურ სუბიექტებთან კონსულტაციისა და საქართველოს პრემიერ-მინისტრის თანახელმოწერის საფუძველზე მივიღე. სულხან თამაზაშვილი გახლავთ პოლიციის პოლკოვნიკი. მას შსს-ში მუშაობის მრავალწლიანი გამოცდილება აქვს, მათ შორის, ის უწყების სხვადასხვა დეპარტამენტში ხელმძღვანელ პოზიციებს იკავებდა, სადაც ღირსეულად და წარმატებით უძღვებოდა დაკისრებულ მოვალეობებს. სწორედ ამიტომ ბატონ სულხანს მიღებული აქვს არაერთი დამსახურებული ჯილდო. კანონიერების და მართლწესრიგის განმტკიცების საქმეში შეტანილი განსაკუთრებული წვლილისთვის, ახლო წარსულში, შსს-ს სხვა ხელმძღვანელ პირებთან ერთად, ღირსების ორდენით დავაჯილდოვე“, – განაცხადა მიხეილ ყაველაშვილმა.
შეგახსენებთ, რომ თორნიკე რიჟვაძემ, რომელიც აჭარის მთავრობის თავმჯდომარის პოსტს 7 წლის განმავლობაში იკავებდა, თანამდებობა დღეს დატოვა.
