პირობას ვაძლევ ქართულ საზოგადოებას, რომ ხელისუფლების მხრიდან ყველა ნაბიჯი გადაიდგმება სახელმწიფო სუვერენიტეტის პრინციპის შესაბამისად - კობახიძე

პირობას ვაძლევ ქართულ საზოგადოებას, რომ ხელისუფლების მხრიდან ყველა ნაბიჯი გადაიდგმება სახელმწიფო სუვერენიტეტის პრინციპის შესაბამისად, ეს არის ჩვენთვის მთავარი განმსაზღვრელი პრინციპი, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.

ირაკლი კობახიძეს კითხვა დაუსვეს პოლონეთის საზოგადოებრივი მაუწყებლის, „პოლონური რადიოს“ მიერ გავრცელებულ ინფორმაციაზე, რომ ევროკავშირი გეგმავს, მიმართოს საქართველოს, სააკაშვილს თუ დართავენ საზღვარგარეთ წასვლის ნებას, ის არ ჩაერთვება პოლიტიკაში, ვიდრე იქნება ევროკავშირის ტერიტორიაზე. როგორც კობახიძემ აღნიშნა, სახელმწიფო იმოქმედებს სამართლებრივი პროცედურების დაცვით.

„ყველა შემთხვევაში სახელმწიფო იმოქმედებს სამართლებრივი პროცედურების დაცვით, სადაც კანონი მოითხოვს კონკრეტული ნაბიჯის გადადგმას, იქ გადაიდგმება კონკრეტული ნაბიჯი, სადაც არ მოითხოვს, იქ არ გადაიდგმება. ჩვენ ვხელმძღვანელობთ ჩვენი სუვერენიტეტის შესაბამისად. ამის პირობას ვაძლევ ქართულ საზოგადოებას, რომ ყველა ნაბიჯი ხელისუფლების მხრიდან გადაიდგმება სახელმწიფო სუვერენიტეტის პრინციპის შესაბამისად, ეს არის ჩვენთვის მთავარი განმსაზღვრელი პრინციპი“, – განაცხადა ირაკლი კობახიძემ.