პარტია „ქართული ოცნება - დემოკრატიული საქართველო“ წინასაარჩევნო კამპანიის ფარგლებში შეხვედრებს თეთრიწყაროს სოფლებში აგრძელებს

"ქართული ოცნება- დემოკრატიული საქართველოს" ბოლნისის, დმანისის, თეთრიწყაროსა და წალკის დელეგატი დავით შერაზადიშვილი, თეთრიწყაროს რაიონის სოფლების: წინწყაროს, ქოსალარის, ხაიშისა და მარაბდის მოსახლეობას შეხვდა.

მოსახლეობასთან შეხვედრისას დელეგატმა ისაუბრა 26 ოქტომბრის საპარლამენტო არჩევნების მნიშვნელობასა და ამ პროცესში მათი ჩართულობის საჭიროებაზე. განიხილა ხელისუფლების მიერ განხორციელებული, მიმდინარე და დაგეგმილი პროექტები. გარდა ამისა, ადგილობრივებს ქვეყნის სტაბილური განვითარების, „ქართული ოცნების“ ხედვა გააცნო დავით შერაზადიშვილმა.