ოპოზიციურმა პარტიებმა, რომლებმაც ბარიერი გადალახეს და არჩევნების შედეგებს არ აღიარებენ, კიდევ ერთი შეხვედრა გამართეს

ოპოზიციურმა პარტიებმა, რომლებმაც ბარიერი გადალახეს და არჩევნების შედეგებს არ აღიარებენ, დღეს კიდევ ერთი შეხვედრა გამართეს.

კონსულტაციები რამდენიმე წუთის წინ დასრულდა "მოძრაობა თავისუფლების" ოფისში.

"ქართული ოპოზიცია არ შედის ამ პარლამენტში და ჩვენი მოქმედებები იქნება მიმართული მხოლოდ იმაზე, რომ საერთაშორისო ადმინისტრირებით ჩატარდეს ახალი არჩევნები, რომელიც ხალხის ნებას ასახავს. ამ გზაზე მივდივართ ყველა ერთად, ყველა პარტია პრეზიდენტთან ერთად ვიმუშავებთ", - აცხადებს "კოალიცია ცვლილებისთვის" ერთ-ერთი ლიდერი ელენე ხოშტარია.