ოპოზიცია „ტექნიკური პარლამენტის“ პროექტზე გადაერთო, რაც სახიფათო თამაშია - შალვა პაპუაშვილი

„ნათელია, რომ “ტექნიკური მთავრობის” ჩავარდნილი პროექტის შემდეგ, ოპოზიციის რადიკალური ნაწილი ახლა “ტექნიკური პარლამენტის” პროექტზე გადაერთო, რაც არის ხალხის მიერ არჩეული პარლამენტის დელეგიტიმაციის მცდელობა და კონსტიტუციურ წესწყობილობასთან სახიფათო თამაში“,- ამის შესახებ საქართველოს პარლამენტის თავმჯდომარემ ბრიფინგზე განაცხადა, სადაც ევროპული საბჭოს მიერ განსაზღვრულ 12 პრიორიტეტზე სამუშაოდ შექმნილ სამუშაო ჯგუფებსა და ოპოზიციის ნაწილის განცხადებებზე ისაუბრა.

შალვა პაპუაშვილის შეფასებით, „ მსგავსი პოლიტიკური თვითშემოქმედება აღვივებს პოლიტიკურ პოლარიზაციას და პირდაპირ ეწინააღმდეგება ევროპული საბჭოს მიერ დასახელებული 12 პუნქტიდან პირველივეს - დეპოლარიზაციას“.