ნინო წილოსანი Byline Times-ის სტატიაზე: ეს არის შეკვეთილი სტატია სერგი კაპანაძის, ნატა საბანაძის და იმ ადამიანების, ვინც მართლაც აგენტურული საქმიანობით არიან დაკავებულნი

ეს არის შეკვეთილი სტატია სერგი კაპანაძის, ნატა საბანაძის და იმ ადამიანების, ვინც მართლაც აგენტურული საქმიანობით არიან დაკავებულნი, - ასე ეხმაურება პარლამენტის თავმჯდომარის მოადგილე ნინო წილოსანი ბრიტანული გამოცემა Byline Times-ის მიერ გამოქვეყნებულ სტატიაზე სახელწოდებით „მოსკოვის კავშირები ქართულ რეჟიმთან კენსინგტონისა და ჩელსის გავლით გადიოდა“.

„ეს არის სიცრუე, თუმცა ერთი შეხედვით, შესაძლოა ადამიანები კიდეც მოტყუებულიყვნენ და დაეჯერებინათ ის ცრუ ინფორმაცია, რომელიც აღნიშნულ სტატიაშია რუსეთთან კავშირებზე. მოგვიანებით, როდესაც თავად სტატია, მისი ავტორი, ის ორგანიზაციები, რომლებიც სტატიის ავტორთან ურთიერთობენ და აფინანსებენ რომ იშიფრებიან, კარგად ჩანს, რომ ეს არის შეკვეთილი სტატია. ეს არის შეკვეთილი სტატია სერგი კაპანაძის, ნატა საბანაძის და იმ ადამიანების, ვინც მართლაც აგენტურული საქმიანობით არიან დაკავებულნი“, - აღნიშნა წილოსანმა.