"ნებისმიერი ასეთი ტიპის დახმარება არის მისასალმებელი, რადგან ადგილობრივი სადამკვირვებლო მისიები ნებისმიერ დემოკრატიულ ქვეყანაში უნდა იყვნენ ძლიერი ორგანიზაციები," - გიორგი შარაშიძე ბრიტანეთის გრანტებზე

"ნებისმიერი ასეთი ტიპის დახმარება არის მისასალმებელი, რადგან ადგილობრივი სადამკვირვებლო მისიები ნებისმიერ დემოკრატიულ ქვეყანაში უნდა იყვნენ ძლიერი ორგანიზაციები," - ამის შესახებ "გახარია საქართველოსთვის" პოლიტიკური საბჭოს წევრმა, გიორგი შარაშიძე განაცხადა, რითაც ბრიტანეთის მთავრობის მიერ გრანტების გამოცხადებას გამოეხმაურა.

"ტრამპის ახალი პოლიტიკას USAID-თან დაკავშირებით, არ მგონია, ამას რაიმე კავშირი ჰქონდეს საქართველოსთან, მიუხედავად იმისა, რომ ეს პროგრამები შეჩერდა. ნებისმიერი ასეთი ტიპის დახმარება არის მისასალმებელი, რადგან ადგილობრივი სადამკვირვებლო მისიები ნებისმიერ დემოკრატიულ ქვეყანაში უნდა იყვნენ ძლიერი ორგანიზაციები," - აღნიშნა შარაშიძემ.

ცნობისთვის, გრანტები დიდი ბრიტანეთიდან, თბილისში განხილვის საგანია - ბრიტანეთის მთავრობა საგრანტო პროგრამას აცხადებს. დოკუმენტი დიდი ბრიტანეთის ოფიციალურ ვებ-გვერდზე გამოქვეყნდა. "ქართულ ოცნებაში" აცხადებენ, რომ, დაფინანსების ამერიკული წყაროების შეწყვეტის შემდეგ, ქართული არასამთავრობოებისთვის ბრიტანული გრანტი, რეალურად, USAID-ის ალტერნატივაა და დესტრუქციულ მიზნებს ემსახურება.