მარინ ლე პენი აცხადებს, რომ ბიუჯეტი ამჟამინდელი ფორმით თუ დამტკიცდება, მისი პარტია მთავრობისთვის უნდობლობის გამოცხადებას მხარს დაუჭერს

საფრანგეთის ულტრამემარჯვენე პარტიის, „ეროვნული გაერთიანების“ ლიდერი მარინ ლე პენი აცხადებს, რომ ბიუჯეტი ამჟამინდელი ფორმით თუ დამტკიცდება, მისი პარტია პრემიერ-მინისტრ მიშელ ბარნიეს მთავრობისთვის უნდობლობის გამოცხადებას მხარს დაუჭერს.

ამის შესახებ მარინ ლე პენმა პრემიერ-მინისტრთან შეხვედრის შემდეგ მედიასთან საუბრისას განაცხადა.

ჟურნალისტების შეკითხვებზე პასუხისას, ლე პენმა თქვა: „ვნახოთ, იქნება თუ არა გათვალისწინებული მისი გზავნილი ბიუჯეტის პროექტთან დაკავშირებით კომპრომისის მისაღწევად“.

საფრანგეთის მთავრობის ბიუჯეტის პროექტი ბიუჯეტის დეფიციტის შემცირებას ითვალისწინებს.