„ეს გარდაუვალია“ - გოგა მანიას უახლესი წინასწარმეტყველება
1764185477
მაკა ბოჭორიშვილი: ვიზალიბერალიზაცია ეს არის მექანიზმი შანტაჟისთვის, ეს არის მექანიზმი რადიკალური დღის წესრიგის შექმნისთვის საქართველოში. სხვა მიზანი ამას არ აქვს
უვიზო რეჟიმის შეჩერების შესახებ გადაწყვეტილების მიღების შემთხვევაში, ეს იქნება უდიდესი სტრატეგიული შეცდომა ევროკავშირის მხრიდან, ევროკავშირის საგარეო ქმედებათა სამსახურის მხრიდან", - ამის შესახებ საგარეო საქმეთა მინისტრმა მაკა ბოჭორიშვილმა საზოგადოებრივი მაუწყებლის პირველ არხზე, გადაცემა "დღის თემაში" საუბრისას განაცხადა.
მინისტრის თქმით, ვიზა-ლიბერალიზაციის შესაძლო შეჩერების საკითხი საქართველოში მიზანმიმართულად გამოიყენება და პოლიტიკური შანტაჟის ინსტრუმენტად იქცა.
"მთელი ერთი წელია ზუსტად ამას ვხედავთ და ვიზა ლიბერალიზაციას ზუსტად ამის ნაწილია. ეს არის მექანიზმი შანტაჟისთვის, ეს არის მექანიზმი რადიკალური დღის წესრიგის შექმნისთვის საქართველოში. სხვა მიზანი ამას არ აქვს", - აღნიშნა მაკა ბოჭორიშვილმა.
მინისტრმა იმედი გამოთქვა, რომ პოლიტიკური მიზნებისთვის საქართველოს მოქალაქეები არ დაისჯებიან, თუმცა, როგორც მან აღნიშნა, ევროკავშირთან დიალოგის არარსებობისა და სპეკულაციების პირობებში, ყველანაირი გადაწყვეტილება შეიძლება იქნეს მიღებული.
მინისტრმა ასევე მკაცრად შეაფასა ევროკავშირის ბიუროკრატიის ბოლოდროინდელი გადაწყვეტილებები.
"ძალიან რთულია დღევანდელ ბიუროკრატიულ პირობებში რაიმე გადაწყვეტილების რაციონალურობაზედავდოთ თავი, როდესაც ვხედავთ ძალიან ბევრ ირაციონალურ გადაწყვეტილებებს, რაც ევროკავშირის საგარეო ქმედებათა სამსახურიდან მოდის. ამაზე მხოლოდ ჩვენ არ ვსაუბრობთ – ამაზე ძალიან ბევრი საუბრობს. დღეს ძალიან ბევრი იწერება, რომ ევროკავშირის საგარეო ქმედებათა სამსახურის საქმიანობა არ არის საკმარისად კარგი და არ არის მიმართული სწორედ ევროპის ინტერესების დასაცავად", - ხაზგასმით აღნიშნა მაკა ბოჭორიშვილმა.
მინისტრმა საქართველოს ხელისუფლების მიერ ვიზალიბერალიზაციის მიმართულებით გადადგმულ ნაბიჯებზეცგაამახვილა ყურადღება. მისი თქმით, საქართველოს მთავრობამ ყველაფერი გააკეთა იმისთვის, რომ საქართველოს მოქალაქეებს უვიზო მიმოსვლის რეჟიმი ჰქონოდათ, ხოლო ის ძალები, რომლებიც მონდომებით საუბრობენ უვიზო რეჟიმის გაუქმებაზე, კოორდინირებულად მოქმედებენ.
"უამრავი ნაბიჯი გადაიდგა ამ წლების განმავლობაში, უამრავი რამ გაკეთდა, იქნება ეს რეადმისიის შეთანხმებები, იქნება საპოლიციო თანამშრომლობის გაძლიერება, პოლიციის ატაშეები, საზღვრის კონტროლის შემოღება, როდესაც ჩვენ დავიწყეთ ევროკავშირის მხარესთან ერთად კონტროლის განხორციელება. ბევრი ნაბიჯი გადადგა საქართველომ იმისთვის, რომ დაკმაყოფილებულიყო უვიზო მიმოსვლისთვის საჭირო მოთხოვნები და ჩვენს მოქლაქეებს არანაირი შეფერხება არ ჰქონოდათ ევროკავშირის წევრ ქვეყნებში მოგზაურობისას", - განაცხადა მაკა ბოჭორიშვილმა.
"მე ვიტყოდი ასე: უვიზო რეჟიმის გაუქმების შესახებ გადაწყვეტილების მიღების შემთხვევაში, ეს იქნება უდიდესი სტრატეგიული შეცდომა ევროკავშირის მხრიდან, ევროკავშირის საგარეო ქმედებათა სამსახურის მხრიდან", - აღნიშნა საგარეო საქმეთა მინისტრმა.
