ლევან სანიკიძე: მიმდინარე საქმე 7 ნოემბერზე სააკაშვილის წინააღმდეგ არის სადამსჯელო ოპერაცია, „ოცნების“ მთავარი სამიზნე კვლავ „ნაციონალური მოძრაობა“ და მიხეილ სააკაშვილია

მიმდინარე საქმე 7 ნოემბერზე სააკაშვილის წინააღმდეგ არის სადამსჯელო ოპერაცია. „ოცნების“ მთავარი სამიზნე კვლავ „ნაციონალური მოძრაობა“ და მიხეილ სააკაშვილია, – განაცხადა „ნაციონალური მოძრაობის“ ლიდერმა, ლევან სანიკიძემ.

„მას შემდეგ, რაც „ოცნებამ“ კიდევ ერთხელ გამოაცხადა ნადირობა „ნაციონალურ მოძრაობაზე“ და მის ისტორიაზე, „ვარდების რევოლუციის“ გადაწერაა მათი სრული მიზანი, მონაპოვრის ბოლომდე ნიველირება. საერთოდ არ არის გასაკვირი, რომ 7 ნოემბერთან დაკავშირებით საქმე, რომელიც წლების განმავლობაში მიმდინარეობს, რომელსაც იძიებს სანქცირებული სასამართლო, არის კიდევ ერთი სადამსჯელო ოპერაცია მიხეილ სააკაშვილის წინააღმდეგ. 5 აგვისტოს ველოდებით, რომ ქართულ მხარეს გაამტყუნებენ 2008 წლის ომში, მიხეილ სააკაშვილს აღუძრავენ დამატებით საქმეებს პროკურატურაში. აქედან გამომდინარე, აბსოლუტურად გასაგებია, რომ ყველაზე მეტად რომელი ოპოზიციური პარტიის და რომელი ლიდერის მიმართაც აქვთ შიში, მის მიმართ აგრძელებენ აღვირახსნილ პოლიტიკურ დევნას“, – განაცხადა ლევან სანიკიძემ.