ლევან მაჭავარიანი: ბატონი ანრი ოხანაშვილი არის უმაღლესი დონის პროფესიონალი და ჩვენ ღრმად ვართ დარწმუნებულები, რომ იგი ისეთივე წარმატებით გაუძღვება ქვეყნის უსაფრთხოების საკითხებს, როგორც ამას უძღვებოდა ბატონი გრიგოლ ლილუაშვილი

ბატონი ანრი ოხანაშვილი არის უმაღლესი დონის პროფესიონალი და ჩვენ ღრმად ვართ დარწმუნებულები, რომ იგი ისეთივე წარმატებით გაუძღვება ქვეყნის უსაფრთხოების საკითხებს, როგორც ამას უძღვებოდა ბატონი გრიგოლ ლილუაშვილი, - განაცხადა ფრაქცია „ქართული ოცნების" თავმჯდომარის მოადგილე, ლევან მაჭავარიანმა საკადრო ცვლილებებზე საუბრისას.

„ბატონი ანრი ოხანაშვილის პოზიციას დაიკავებს ბატონი პაატა სალია. მას დიდი წარდგენა არ სჭირდება, ის არის ერთ-ერთი წარმატებული და ცნობილი იურისტი, ადვოკატი საქართველოში. არის ჩვენი კოლეგა დეპუტატი, რომელიც ასევე ძალიან წარმატებული იუსტიციის მინისტრი იქნება“, - აღნიშნა ლევან მაჭავარიანმა.

საქართველოს მთავრობაში საკადრო ცვლილებები განხორციელდება. საკადრო ცვლილებების შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე ისაუბრა.